Fomos recibidos polo director do IES, D. Daniel Lorenzo Valdivieso, quen pronunciou unhas verbas de agarimo e agradecemento por acoller este acto no centro que dirixe, como unha mostra máis da apertura á sociedade ourensá e galega promovida pola dirección do IES Otero Pedrayo.

A contestación á ponencia do Dr. Javier, en nome da ACVG, correu a cargo do académico de número fundador Dr. Antonio Crespo Iglesias.

A sesión rematou coas palabras do presidente da ACVG, D. Andrés Hermida, quen deu a benvida ao novo académico á familia da ACVG, glosou o seu destacado currículo e agradeceu a asistencia do resto dos académicos a este acto, celebrado no marco incomparable do salón de actos do IES Otero Pedrayo.

O final do acto, por xentileza do Dr. F. Javier Carballo, ofreceu no claustro do IES, un viño galego aos amigos e compañeiros asistentes.