16:00.- Visita guiada ao Parlamento de Galicia.
Coa recepción por parte do Vicepresidente do Parlamento D. Miguel Santalices, quen como profesional da medicina humana recordou a importancia da profesión veterinaria sobre todo no eido da saúde pública na que el ten exercido, e suliñou un feito concreto do que el foi testemuña como foi o pael destacado dos veterinarios de saúde pública de Ourense na epidemioloxía do sindrome tóxico polo aceite de colza desnaturalizado.
17:30.- Sesión Académica Solemne de conmemoración do centenario da Escola Veterinaria de Galicia, no Instituto Rosalía de Castro (Primeira sede da Escola de Veterinaria de Santiago) cos seguintes contidos:
- Inauguración polo Sr. Conselleiro de Cultura, Educación e Ordenación Universitaria da Xunta de Galicia, D. Román Rodríguez.
Na súa intervención salientou o avance da Veterinaria nos últimos 30 anos desde a creación da súa Facultade na cidade de Lugo, o único centro do campus lucense que conta con homologación europea, o que aumenta o seu prestixio fóra de Galicia e a converte no centro universitario con maior porcentaxe de alumnado procedente de fóra da nosa comunidade.
- Charla do Académico Dr. D.Alberto Portela: "Hace 100 años: 1915 Inauguración do edificio como Escola de Veterinaria (1882-1924). Na maxistral intervención o Dr. Portela aportou múltiples datos históricos dos avatares do edificio, do alumnado, do profesorado e da sociedade compostelá e galega da época.
- Proxección de películas antigas a cargo de Fernando Camarero (País Vasco): As oríxes da Veterinaria en Galicia. O Dr. Camarero nunha excepcional montaxe realizada por el mismo, aportou documentos cinematográficos inéditos do primeiro tercio do século XX rodados no rural de Galicia e que son de grande interese veterinario e etnográfico.
- Charla do Académico da Academia de Ciencias Veterinarias de Castilla y León, Dr. D. José ManueMartínez: Reflexións históricas sobre a alimentación. O profesoremérito da Universidade de León fixo un interesante percorrido da historia da alimentación en España a partir da revisión de diferentes fontes escritas e da literatura española.
Acto de Clausura: Presidido polo presidente da Academia de Ciencias Veterinarias de Galicia, José Luis Factor, acompañado polo secretario da Academia de Ciencias Veterinarias de Castela e León, Francisco Antonio Rojo Vázquez, e pola Académica coorganizadora Pilar Bermejo.